ENRIQUEoubiña

  Este mércores tivo lugar un pleno extraordinario onde se decidiu de xeito urxente a documentación coas condicións para realizar o concurso da obra do cambio do céspede de A Bouza, co obxetivo e cambialo o antes posible. Eu alegrome de que se vaia cambiar o céspede, evidentemente, pois era moi necesario, e xa sabedes que  defendo que as instalacións municipais deben ser mantidas en condicións óptimas, que por algo son de todas e todos nos. Pero hai xeitos e xeitos de facer as cousas.

Podedes ler a posición do meu grupo, nun comunicado de prensa que en parte recollen os medios  hoxe, pinchando aquí.

Se queredes unha opinión mais persoal podedes seguir lendo.

 Para comezar, esta  maneira apresurada de actuar, sen nin sequera ter tempo para realizar unha comisión informativa onde poder debater sobre as condicións que se van requirir para a substitución do dito céspede, pareceme do mais lamentable, sobre todo tendo en conta que  en xaneiro foi a pleno unha moción que precisamente pedía o cambio do cespede de A Bouza, que presentamos dende o meu grupo. Unha moción por certo presentada en Setembro pero que o PP se negou a levar a pleno ata o novo ano. Unha moción que si se hubese aprobado entón  permitiría planificar a obra con tempo suficiente, mesmo incluila nos orzamentos,  para facela durante o período vacacional en que o campo está sen uso, coordinándose co Umia e facendo as cousas ben.

   Agora as consecuencias da mala planificación por parte do grupo popular fanse evidentes nos propios prazos, axustadisimos, postos polo PP para executar a obra:   8 días naturais para presentación de ofertas (10 días para recepcionar as presentadas noutras institucións); a apertura de proposicións o 3º día hábil posterior ao peche de recepción de ofertas e adxudicación nos dentro dos 2 seguintes e finalmente o contrato de obra debe formalizarse nos 15 días seguintes tendo un prazo logo a empresa adxudicataria de 30 días para a realización da mesma…

    Sendo moi optimistas vai ser difícil que a obra estea rematada antes de finais de setembro ou principios de Outubro.  Por este motivo no pleno preguntei como se vai proceder  mentres duren as obras co adestramento dos nenos e xogadores do Umia e mais que solución hai prevista para cando  comecen as clases no colexio.  A sorprendente resposta do PP foi que o Umia xa estaba informado e xa estaba buscando solucións e que os nenos teñen patios e en caso necesario os corredores do colexio poden ser usados durante os recreos. Tamen cabe a posibilidade de que metan os nenos no pabillon de Barrantes, supoño que cando non chova dada a cantidade de auga que ali entra, e supoño que enlatados en aceite, se non non sei como podera ser.

Pero a conclusión que conseguin sacar disto foi que o  concello pecha o campo pero non aporta alternativas, deixando o club e o colexio que se arranxen pola súa conta.

Outro asunto que nos chamou a atención foi que, a pesar da grande cantidade de mostras e detalles técnicos esixidos nas bases de contratación, que non sei de onde as sacarían, pero que calquera mais mal pensado que min diría que foron feitas á medida do que  xa saben que van poñer, resulta que  logo so se lle esixe a empresa instaladora unha garantia de 2 anos, logo dos cales se correría  o risco de volver á mesma situación, ou sexa, co céspede desfeito.

Observando isto, e vendo que estes do PP como sempre non se entran de nada e non recordan que o cespede actual somentes durou en boas condicións 3 anos, e outros 4 sendo parcheado sen éxito cada tempada, propuxenlles dúas cousas:

–  que se cambiase o criterio de adxudicación final, que é estritamente económico, e se centrase a aceptación da oferta en aprobar uns materiais duradeiros, dentro por suposto do máximo orzamentado. Isto significa que a hora de conceder a licencia, para o caso de que hubera varias ofertas, se tivese en conta como factor principal a durabilidade do céspede, e non somentes o prezo. A fin de contas o orzamento máximo esta estipulado e mentres non se saia del calquera oferta pode ter cabida. Isto o PP non o aceptou, e calquera mais desconfiado ca min  pensaría unha vez mais que o PP quere conceder obra a un proxecto xa coñecido.

–  e que en calquera caso se esixira unha garantía maior que os dous anos inicialmente propostos polo PP, proposta que afortunadamente foi aceptada. Non concretamos canta garantia se vai pedir, ou valorar, pero agardo que como mínimo se plantexen unha esixencia de cinco anos, se non xa nos vemos dentro de tres recollendo queixas polo estado do céspede.

O feito de que a mesa de contratación estivese  integrada  por so cinco membros: Alcadesa,  o Concelleiro de obras, a Secretaria-Interventora, o Técnico Municipal e un Técnico da Deputación, pareceme ademais totalmente inadmisible. En primeiro lugar pola presenza dun técnico da deputación, cando a Deputación non vai facer aportación ningunha a este proxecto ( Mentres, que curioso, ó Ribadumia lle regala un campo novo e innecesario) , polo que isto supón unha intromisión descarada nun asunto municipal, que a outro mais mal pensado que eu lle levaría a pensar que vai haber un empuxe cara un proxecto concreto do interese da Deputación.

Dende o noso punto de vista nesa mesa deberían participar representantes do Umia, , que son os que mais uso profesional van dar ó campo, e cando menos teñen dereito a que se lles consulte, ou se lles escoite a súa opinión, tanto a hora de licitar a obra como na organización dos tempos para levala a cabo. .

 E dende logo é moi censurable que os membros da oposición se lles negue participar da contratación dunha obra que vai supor una importante inversión para todos os veciños de Ribadumia, tanto os que votan o PP como os que votan a outras opcións. Eu sempre insisto no mesmo, en que os proxectos para  o concello de Ribadumia non poden ser alleos ós grupos da oposición, pois cando o PP local decide gastar cartos, decide gastar os cartos de todos os veciños, e deixar fora a oposición significa, en Ribadumia, deixar fora a metade da veciñanza.

Este era o estado lamentable do céspede fai un ano. Ó PP entón non llo parecia, e ademais non había cartos. Agora, de repente, o cespede está fatal e hai cartos de sobra para o cambio. Casualidade??

Todo isto mostranos o que acontece cando se pretende politizar o deporte. Resumovos os feitos:

– o pp negase durante anos a cambiar un cespede que da pena. Ata que chega unha directiva mais do gusto do partido.

– de repente, en canto o club esta en mans mais amigas, aparecen cartos por todos lados.

– e logo veñen as presas. Pero non pasa nada. O importante e vender a obra e sacarse fotos bonitas, que estan as eleccións a volta da esquina.

– Ou sexa, o club de futbol, os nenos, a aficción, os veciños, en resumo, non valen nada. O único importante e gañar as eleccións. E para algún pobriño, sair guapo nas fotos.

  Eu, como socio, aledome de toda a axuda que o club consiga para sacar adiante o seu proxecto, , pero polo que ó PP respecta, pareceme moi triste esta maneira de actuar. E non é a primeira vez, o contrario, isto eche o xeito habitual. O club de piragüismo neganselle as axudas municipais, pero logo, como os directivos non calan,  andan a darlle cartos por outras vías e pasándolle as mans polas costas a directiva para evitar escándalos maiores. O club de tenis-mesa de Sisan debe ser o único club deportivo deste lado do Atlántico ó que se lle nega o acceso ás instalacións municipais no verán, igual que o resto de veciños dunha das parroquias con mais habitantes, que polo visto son de segunda categoría. Solo se salva o Ribadumia, pero a ver canto lles dura a crista da ola.

 De un alcalde ou alcaldesa debese agardar, dende o meu punto de vista,  un pouco mais de capacidade de goberno, un pouco mais de capacidade organizativa, un pouco mais de lóxica e sentido común cando se gastan os cartos que son de todos. E dun partido político, como mínimo,  algo mais de repecto polos veciños.

       Como todos os anos , onte foi a pleno municipal o reparto das axudas  as entidades deportivas e culturais. Outro ano mais debate sobre como distribuír os fondos. E co mesmo guión de todos os anos: o PP ignorando que inda non fai tres anos que aprobaron unhas bases de adxudicación e repartindo os fondos a boleo e os da oposición, menos o bloque que non estivo, defendendo outra maneira de facer as cousas, e dicíndolle o PP como debería de calcular a distribución dos fondos en función das súas propias bases. Este ano, nembargantes, o final apenas houbo debate, pois o PP fixo evidente que o de poñerse a distribuír puntos en función da documentación aportada  non ia con eles, e ademais este ano sacáronse de enriba por fin o  náutico o muíño que non presentou solicitude, evitando así cometer a enorme e incomprensible  inxustiza de negarlle as axudas as que teñen dereito, polo que  logo de facerlle notar dende o meu asento as diferenzas entre  as actividades que unhas asociacións declararon ir realizar e as que declararon outras e propor un axuste nalgunha cantidade, conseguimos sacar un acordo. Isto na comisión previa do martes, porque logo o psoe onte non as tiña todas consigo (e non lle falta razón) e preferiu absterse.

  Debo dicir antes de nada que o que si hai que recoñecer foi a vontade de todo o mundo presente para acordar axudar a todas as entidades que habían feito a solicitude (por certo xa dixen que o muíño non se presentou, se non outro galo cantaría). Tamén conven dicir que este ano desapareceron varias entidades (algunha delas inxustamente logo de que o PP lle negase o ano pasado  unha axuda mais que merecida), e apareceron tamén entidades culturais novas, as que dende aquí animo a traballar e axudar a facer deste concello un lugar mellor.

   Tanto no debate previo en comisión como no pleno pola nosa banda insistimos moito na necesidade de utilizar as bases para algo mais que para abanarse, que había que léelas, e tomalas como guía para adxudicarlle as entidades unha puntuación que solo despois se debería transformar en euros, de xeito que o sistema de elección deixara a mínima capacidade de movemento ós concelleiros. E insistimos en que se coas bases actuais iso non era posible, como parece ser o caso, entón haberia que axustalas a realidade ou cambialas. Pero como diría un colega meu de Cambados, “no hai manera chico!”, e paseime dúas reunións dándolle cabezadas ás paredes.

   Mención a parte merece o caso de protección civil.  Nos temos moi claro que é unha entidade que xa ten adxudicadas unhas partidas especificas nos orzamentos de cada ano, como corresponde a unha entidade que realiza unha labor tan importante como a deles, polo que non debería estar incluída no reparto destas axudas, en función dun punto das bases de adxudicación que debe ser o único que o PP coñece, e que utiliza para deixar fora a entidades que non lles interesa , como o náutico. Pois logo de moito preguntar resultou que nin no propio PP se poñen de acordo e o final solo saquei a conclusión de que depende de a quen lle preguntes, teñen dereito a unha axuda ou non o teñen pero dáselle igual …

O que si foi evidente é que se segue a politizar a cultura e o deporte, e a usalos como arma arroxadiza e de control da cidadanía, todo desta vez moi agochado baixo palabras bonitas, pero igual de latente. Non consigo entender como pode o PP pensar que inda que algúns non entremos en certos xardíns, e fuxamos de debates ferintes, sabemos perfectamente o que hai no noso concello e de que vai a cousa. E isto prodúceme profunda tristura, porque un pilar fundamental da nosa sociedade asentase na cultura e nos valores positivos que aporta o deporte, e non deberían usarse deste xeito ….pero en fin …

 Se o meu grupo o final estivemos a favor do reparto, e non nos plantamos como seria o lóxico ante a maneira totalmente incompetente do PP de actuar, foi porque o que en todo momento buscamos foi un acordo que contentase de ser posible a todo o mundo, en especial as entidades, e inda que iso resulta o mais difícil, polo menos este ao creo que nos achegamos algo mais, a pesares do mal que se fixeron as cousas.

A nota divertida e interesante do día ( e tamén preocupante) foi ver o señor Serantes pedir a palabra para desdecir a Salomé e darlle a volta ao seu propio argumentario, na comisisón e logo no pleno…cousas veredes.

   O final do pleno alguén do PP se sorprendeu da falta de bronca, especialmente, polo visto, pola miña parte (agora debo ter fama de fulero, eu que como todo o mundo sabe rara vez levanto a voz).  Non entenden que algúns non nos metemos en política para facer méritos, trepar ou ganar un salario. Non entenden que a nosa intención non e gañar votos a conta da bronca e de avergoñar o contrario ( e iso si que me resultaría fácil, podédelo crer).Seguen sen entender que algúns solo buscamos mellorar as cousas un pouquiño, e sorpréndelles que busquemos acordos, que intentemos levar os debates pola vía amable sempre que sexa posible e ceder posturas se o vemos necesario para lograr obxectivos que deberían ser comúns.

O que foi unha lástima é que non imputaran a Louzan onte, asi xa poderiamos ter un pleno como os dos concellos “serios” do PP, con presuntos sentados á mesa… (…teño que buscar a carta esa pola que querian levarme o xulgado…)

 P.D. Vouvos contar unha anécdota para que vexades o grado de inutilidade que temos no PP de Ribadumia. No debate para o reparto de axudas do ano pasado (2013), o náutico de piragüismo, en función das bases de adxudicación, solicitou apoio para un rapaz que está chamado a ser un dos grandes do piragüismo mundial. O PP buscou unha e mil escusas, (todas ridiculas e avergoñantes entre as que destacan a de “esas axudas son para deportistas sen clube” ou “esas axudas son para deportistas que entrenan en clubs de fora de Ribadumia”) para non concederlle axuda económica a ese rapaz (axuda que debía reflectirse en forma de barco para remar), ademais de deixar o club que mais alegrías da o deporte local fora das axudas a entidades deportivas … Pois ben, fai unhas semanas o PP local inexplicablemente cambiaba o seu criterio e  facíalle entrega o club de piragüismo dese barco, por outra banda moi necesario. E así nos vai, non queren acordar nada mais que o que a eles lles parece, e logo cando se dan conta dos erros andan a remendar por detrás, indo de paso na busca  de medalliñas e de votos fáciles. Este é o goberno que tedes ….

Andamos a voltas cos orzamentos deste ano 2014. E este ano ademais con novidades moi importantes en canto os plantexamentos.  A semana pasada tivemos unha comisión informativa. Previamente dende o noso grupo presentamos unha serie de propostas para facelas entrar no debate. O Psoe tamén fixo un par delas na propia comisión, moi interesantes. O PP aceptou falar de todas elas, e mesmo conseguimos dende a oposición que se realice unha segunda comisión antes do pleno do próximo mércores. Na prensa, logo disto, saíron recollidas as diferentes propostas, incluída a opinión do concello, que aparentemente deixa claro que os do PP non se van mover da súa posición. Ou sexa, nada de loita activa contra o paro, nada de propostas para defender o dereito dos nosos veciños a levar  unha vida digna, e non ter que pedir esmola, solo mais do mesmo, pagar facturas sen control algún, e buscar obras chulas para vender nas eleccións municipais  do próximo ano.

  Dende a nosa posición, logo do debate da comisión, e de conseguir que o PP aplazase falar do asunto, volvemos a replantexarnos as nosas propostas, recollendo os diferentes recados que nos deixou o PP na comisión, e tentar dalgún xeito que se dean conta de que se non se cambia a maneira de facer as cousas, se non acaba ese xeito de tirar cos cartos  acabaremos tendo moitos problemas, e ademais non conseguiremos axudar os nosos veciños en nada, algo inaceptable nun concello. Deixovos integro o documento presentado no concello, pois penso que fala por si solo.

  José Enrique Oubiña Lago, como Concelleiro non adscrito da corporación municipal, o abeiro do debate creado en torno a elaboración dos orzamentos para este ano 2014, e vista a disposición do PP local a, cando menos, falar de propostas e alternativas coa oposición, e logo do aplazamento acordado na comisión informativa do pasado xoves dia 20 de Febreiro, para reflexionar e estudar as diferentes propostas, presenta a seguinte serie de propostas orzamentarias, que clarifican as presentadas na pasada comisión,  para que o equipo de goberno as considere:

   Antes de nada queremos aclarar que dende o grupo do concelleiro non adscrito entendemos que a responsabilidade última de mudar, eliminar ou crear partidas orzamentarias pertence o Partido Popular, partido que o conxunto da cidadanía de Ribadumia decidiu escoller para que levara adiante o goberno do noso concello e para o cal dispón de todas as ferramentas democráticas e administrativas, e dende a nosa postura como grupo de oposición somentes podemos aportar os nosos puntos de vista, eivados moitas veces pola falta de información concreta,  opinións e propostas sobre cales son as partidas ou políticas e accións de goberno que consideramos necesarias, pero non podemos saber nin nomear con exactitude cales das partidas orzamentarias propostas polo equipo de goberno son imprescindibles para o correcto funcionamento do concello. Consideramos ademais, e polos mesmos motivos, e sen entrar a valorar a idoneidade ou non das inversións plantexadas para este ano 2014,  que non estamos capacitados para decidir se as  partidas plantexadas para esas inversións son adecuadas, excesivas ou insuficientes para a realización dos proxectos propostos.

    Por iso, a nosa primeira proposta é a seguinte:

–       Que o grupo de goberno, tendo en conta o histórico contable do concello de Ribadumia, onde no ano 2010 quedaron sen gastar 744.766,53€ dun orzamento inicial de 2.821.892,00€, no ano 2011 quedaron sen gastar 416.920,82€ dun orzamento inicial de 2.653.790,50€, e que no 2012 quedaron sen gastar 451.242,43 dun orzamento inicial de 2.545.222,00, revise as partidas orzamentarias e , atendendo a responsabilidade que lle corresponde como equipo de goberno, decida cales de todas as partidas propostas se poden reducir, ou se mesmo eliminar, para dar cabida as propostas que nos faremos a continuación.  Así mesmo, se o equipo de goberno considerase que esa responsabilidade debe ser compartida co resto de grupos da oposición, estamos a súa disposición para, dun xeito sosegado, sentarnos coas diferentes propostas, e realizar o estudo orzamentario necesario, analizando cada partida polo miúdo e con todos os datos necesarios,  para poder achar formulas de aforro e de adecuación orzamentaria, e dar cabida así a todas as propostas que puidera haber.

   Logo disto, nos entendemos que a proposta orzamentaria do PP adoece de varias faltas que consideramos necesarias incluír. Tamén entendemos que se fai necesario, en vista da situación xeral do país, adecuar as políticas municipais as necesidades dos nosos veciños e veciñas, e cambiar sustancialmente o xeito de elaborar os orzamentos, aumentando o dialogo entre os diferentes grupos políticos con representación, e mesmo cos diferentes entes que cohabitan no concello, dende as asociacións de comerciantes ata entidades deportivas, culturais e sociais, e incluíndo finalmente partidas onde se aposte claramente pola loita contra o paro e pola defensa da dignidade das persoas. Por ese motivo, logo do debate da semana pasada,  onde as diferentes posturas sobre cara onde debía camiñar a realización dos orzamentos quedaron claras, o grupo do concelleiro non adscrito decidimos revisar e clarificar as nosas propostas, tendo en conta o aportado polo equipo de goberno,  e plantexalas aquí.  E son as seguintes:

–       Crear unha partida e denominala “cobertura de necesidades e axuda a reinserción socio – laboral”, que dea contido económico a creación dun grupo de traballo , que mesmamente pode ser o conformado pola comisión de asuntos sociais onde xa estan representados todos os grupos políticos,  xunta a oficina de servizos  sociais do concello, e sumando a colectivos que traballen na axuda a persoas, que asuma a xestión dos fondos orzamentados para axuda social, e traballen nun plan que teña como obxectivo non solo axudar as familias deste concello que están atravesando un momento critico, se non tamén establecer ferramentas que permitan axudar a esas familias e persoas a levar unha vida digna e lonxe da caridade a pesares da súa situación.

–       A creación dunha partida orzamentaria denominada “axuda económica ós estudos”, destinada a  persoas con poucos recursos, que sexa unha bolsa  regulada e adxudicada baixo uns criterios claros, de xeito que calquera veciño de Ribadumia, sexa cal sexa a súa situación económica, teña garantida a posibilidade de realizar o curso escolar, pagar matriculas e taxas universitarias, e facer fronte a compra do material esixido para poder sacar adiante os seus estudos

–       A creación dunha partida coa denominación “acción no agro”,  destinada a creación dun grupo de traballo local, con expertos en asuntos do campo e incluíndo a sectores agrarios e sindicatos, coa misión de proporcionar impulso, a través da formación, da información e do   apoio institucional, as diferentes saídas profesionais que poida proporcionar o noso agro,  poñendo especial fincapé no impulso e apoio  da creación de entidades cooperativas, que permitan coa solidariedade laboral e unha correcta organización empresarial, a realización de proxectos cooperativistas de explotación ou servizos agrícolas.

–       Creación dunha partida especifica destinada a recuperar os terreos do polígono da Grenla que non se están utilizando, moi necesarios como primeiro paso para que as empresas poidan acceder a chan industrial no noso concello.

–       a creación dunha partida especifica para dar a poio a creación dun consorcio empresarial local, que reúna a concello, con todos os grupos políticos representados, os sindicatos e as empresas que existen no noso concello, e impulse políticas e accións comúns, que poidan favorecer a recuperación económica e a mellora polo tanto das cifras de contratación. E tamén impulsar dende ese consorcio a atracción o noso concello de empresas de novos sectores. En resumo, contribuír dende este concello a reconstrución do tecido empresarial, case desaparecido da nosa comarca.

–       Unha partida especifica que sirva para  apoiar as novas empresas no seu asentamento no noso concello e as pemes existentes a levar a mala situación económica actual. Dentro disto, unha partida especial para o apoio, mais forte se cabe,  a xovenes empresarios que queiran iniciar a súa aventura empresarial no noso concello. Revisar o mesmo tempo os mecanismos para a creación e apertura de novos pequenos negocios, axilizando os tramites das licencias e promovendo a súa apertura con descontos nas licencias ou execcións temporais dalgúns impostos, como o lixo ou a auga. Que estas axudas ou exencións  sexan extensivas a pemes do concello que manteñan ou creen emprego e a aquelas que demostren unha importante baixada de ingresos e polo tanto precisen, en función dunhas bases que deberan ser determinadas,  de certo apoio institucional.

–       A eliminación do convenio coa empresa que leva o mantemento do alumeado, que lle custa a este concello 25.000€ anuais, realizando unhas labouras que poden perfectamente realizar o persoal municipal, adecuando as partidas orzamentarias de mantemento as necesidades reais do concello..

  Ademais de todos isto, propoñemos o grupo de goberno e o resto de oposición as seguintes medidas, paralelas o orzamento, e con vistas a facilitar a xestión económica do concello e que para o próximo ano se poidan adecuar moito mellor as propostas orzamentarias coa realidade que vivimos en Ribadumia:

–       Eliminar a base do Orzamento que autoriza a alcaldía a contratar todas as partidas do orzamento (os gastos superiores a 6.000 euros deben ir ao Pleno).

–       Compromiso de participación da oposición nos Grupos de Traballo que se Constitúan.

–       Compromiso de que o remanente económico que haxa do 2013 pase a engrosar estas partidas e non se use para comprar terreos ou outros investimentos menores.

–       Un control exaustivo do gasto eléctrico, para o que este ano hai previstos case 100.000€ mais que o ano pasado, a barbaridade de 279.695€, tomando as medidas necesarias para reducir a descomunal factura.

–       Actuar con mais responsabilidade con certas partidas, creando antes dos orzamentos uns plans de traballo e inversión para o ano económico, en areas como xardinería ou obras menores, e tamén un plan de mantemento das instalacións municipais, dotando das cantidades precisas pero controladamente a través dun orzamento clarificado, evitando no posible os gastos superfluos e incontrolados, culpables do enorme descontrol dos gastos correntes.

–       Recuperar outros servizos públicos, como a gardería municipal, a asistencia  ou o lixo, para que o concello reciba  os ingresos por beneficios  que agora se levan empresas privadas ou a Deputación de Pontevedra, podendo ademais mellorar o servizo e ofrecer mellores descontos a usuarios.   

Dende o noso grupo agardamos que o PP local, teña en conta as nosas propostas, as estude con calma, e mostre unha disposición o dialogo  que nos permita chegar a un acordo para que os orzamentos deste anos sexan o mais axustados posibles a realidade do nosos concello e se poidan levar a cabo accións reais que axuden a loitar contra situación na que o noso país se atopa.

Estes días estase falando moito da reparación da Igrexa de Santa Baia, e dende o meu grupo esta maña presentamos un escrito, e emitimos un comunicado de prensa o respecto. Eu pertenzo a esa parroquia, e como veciño ,  quero añadir, mais aló de posicións políticas, as miñas impresións persoais.

En primeiro lugar, a min, que pago os meus impostos (cousa que a Igrexa non fai) ningunha institución pública me arranxa os desperfectos na miña casa, ou nas miñas fincas, nin ningunha institución pública me puxo iluminación arredor da casa para poder vela ben cando volvo polas noites de traballar.

  Por outra banda, hai unha gran  cantidade de persoas que o están pasando mal en Ribadumia, polo que falar de poñer chans de madeira e iluminacións exteriores en igrexas  ou facer campos de fútbol novos cando ademais no concello xa temos campos de sobra, que por certo non se coidan (salvo un), non me parece prioritario, de feito penso que algo así nunca debería ser  prioritario para un goberno. A situación actual de recortes na sanidade, na educación, nos nosos dereitos fai que todo isto sexa aínda mais grave, como para toparse Seguir lendo →