Canta mentira, Salomé.

  O Partido Popular segue coa súa campaña de empuxe e derribo contra o goberno de Ribadumia, do que formo parte. Desta volta o ataque ven a conta do IBI, que debido a que é un imposto que se fai notar nas carteiras garantiza uns bos  titulares en prensa.

 descarga (13)  Pero todo esta levantado enriba de mentiras. Foi Salomé Peña a responsable da revisión do catastro xa no 2014, anque se fixo efectiva neste 2018, e foino en coalición  con Montoro, ese ministro que puxo o PP para levar a cabo as súas políticas máis duras e lesivas para a cidadanía, e que se sacou da manga o catastrazo ese que obriga a pagar por calquera cousa que pareza que leva algo de cemento. E a través das mentiras, agora que os recibos xa están pasados -non antes –  quere Salomé cargarnos a nos o morto de que algunhas persoas teñan que pagar máis do que pagaban. Politica de baratillo.

Dende o goberno  emitimos o pertinente comunicado, que recolleu a prensa e tamén a web de Somos Ribadumia, pero pareceume convinte aportar unha visión persoal, a traves dunha breve carta aberta, que reproduzo aquí:

“A principios do ano pasado, benquerida Salomé, tivemos que montar unha oficina temporal na casa de cultura de Ribadumia, con tres persoas e os correspondentes equipos informáticos para poder axudar a unha parte da nosa veciñanza que, debido a unha decisión do Partido Popular, repito en maiúsculas, DEBIDO A UNHA DECISIÓN DO PARTIDO POPULAR, tiveron que rexistrar todo tipo de construcións auxiliares, dende galiñeiros a garaxes, pasando por piscinas e, nalgún caso, simples terrazas. Todo ese proceso nin sequera era gratuíto, pois  o estado, e insisto outra vez,  o concello non , o goberno do Partido Popular,  cobraríalle a eses veciños e veciñas afectadas da orde de 60€ polo trámite, enriba do recibo o IBI, por suposto.  E a partir deste ano, toda esa xente ten que pagar os recibos actualizados, coa inclusión desas edificacións auxiliares.

   As veciñas e veciños afectados saben isto porque xa o ano pasado dende as oficinas que montamos expresamente para este tema, llo explicamos. E se alguén ten dúbidas, so ten que vir polo concello e encantados lle aclaramos o que sexa preciso, como precisamente cho explicamos a ti fai uns días – inda que deberías sabelo – cando viñeches polas instalacións municipais a preguntar por este tema. Algo que se pode facer agora, por certo, que o servizo de recadación é municipal.

   Que teñas agora a cara dura de saír na prensa dicindo que o goberno municipal está subindo os recibos do IBI é evidente que obedece unha estratexia política baseada na mentira e no engano.

 Salomé, deixa xa de enredar á xente con mentiras e demagoxia de baratillo. O goberno de Ribadumia non lle subiu o IBI os veciños, foi o Partido Popular quen atacou a nosa veciñanza, facéndolle pagar ata pola caseta do can.”

Esta entrada foi publicada en Cousas de Ribadumia, cousas miñas. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s