Non son o PSOE ou SOMOS, son Gonzalo Durán  e o PP.

   “Novamente asistimos a unha  controversia desas que o señor Durán tanto lle gusta crear para ocultar as súas incapacidades. Desta volta armouna á conta da rede de transporte público recortada  no seu día polo Partido Popular e sobre  a que agora a Consellería de Infraestruturas é incapaz de actuar dun xeito efectivo. Un inciso. Quizais, se a señora Ethel Vazquez e o señor Ignacio Maestro escoitaran á xente do común e aos concellos, en lugar de atender aos intereses particulares do  señor Raúl Lopez, as cousas irían doutra maneira. Non é así, e cada día xorde unha problemática co transporte público nunha comarca diferente, mentres no Salnés seguimos igual de mal que antes, solo que con Gonzalo Duran  dando a nota.

     No Salnés temos moitas particularidades que neste asunto deben terse en conta. Non temos unha rede interurbana de bus  que conecte axeitadamente e con boas frecuencias os principais núcleos, así como cos centros educativos e administrativos; hai concellos cuxo hospital de referencia é o do Salnés, pero outros téñeno en Pontevedra; nin uns nin outros teñen boas conexións e algúns como Ribadumia teñen conexións co hospital que non se corresponde;  a única estación de tren esta nun extremo da comarca, e sen axeitadas  comunicacións por bus co resto.  Un presidente da mancomunidade responsable tería en conta todo isto e todo o que non poño aquí por non ocupar espazo, que é moito, e sentaríase a falar co resto de forzas políticas e alcaldes…

   Pero nós tristemente temos ó señor Durán, en funcións  gracias no seu momento á ineptitude do PSOE para botalo.  Por iso sorprende que no canto de mostrarse agradecido coa señora Tania García, cargue contra ela e contra o PSOE desviando a atención – co conto infantil ese de “el PSOE nos roba”- da realidade de que  o Salnés vai ser, outra vez, ninguneado pola Xunta de Galicia.

    Pero non será culpa do PSOE. A súa proposta é incompleta, e mellorable, pero nada máis. A culpa  será  do señor Durán, moi capacitado para andar de paseo e de compras pola comarca  e para  facer negocios con eses amigos rusos seus e do seu colega Tourís, pero  totalmente incapaz de exercer correctamente o seu cargo, e consensuar cos representantes municipais e políticos un plan completo, ben elaborado e legal, que propoñerlle á Consellería de Infraestruturas. A culpa é toda súa , que chama experiencia a poñer unha furgoneta dando voltas polo Concello,  algo moi distinto a ter un plan de transporte comarcal que atenda as diversas necesidades dos concellos. A culpa non é dos concelleiros de SOMOS, que propoñemos que a mancomunidade traballe nun plantexamento que solucione problemas en lugar de causalos, e que todas as persoas do Salnés teñan os mesmos beneficios e importantes descontos que o PP vai dar a concellos como Pontevedra, Vigo, Redondela, Poio ou Sanxenxo, entre outros. 

   Non, os únicos responsables deste desastre son o señor Duran  e o Partido Popular.”

  Este artigo foi enviado á prensa en relación coa controversia na que se meteron Gonzalo Durán e o Psoe de Vilagarcia en relación ó transporte urbano no Salnés, que está en proceso de modificación co gaio do remate das concesións das liñas de buses o ano próximo. Dende Somos Ribadumia xa espuxemos, xunto as outras plataformas municipalistas do Salnés a nosa postura, que se resume en : dialogo e consenso a nivel comarcal,  e defensa ante a Xunta de Galicia dos dereitos da nosa veciñanza en cuestión de organización de rutas, conexións e beneficios económicos. E Durán que se deixe d e películas. Está moi ben  que en Pontevedra os menores de 19 anos non vaian pagar  pagar bus e o resto vaia ter descontos de ata o 80%, pero no Salnés, que somos máis de 100.000 habitantes,  temos dereito os mesmos beneficios, ademasi de a unha rede  de transporte público eficaz. O que non pode pasar é que inda por riba de non facer nada o dereito, a Xunta  nos deixe aos concellos a responsabilidade de buscar solucións, cando lles corresponde a eles. E o que tampouco pode ser, é que Gonzalo Durán queira  tapar as incompetencias propias e da Xunta montando un circo e cargandolle o morto os de Vilagarcia.

 Como remate deixovos unha foto feita polo Concello de Valencia para explicar a problemática do uso excesivo de vehiculos e a importancia do transporte público, en termos económicos, de movilidade,  e medioambientais. A foto son en realidade dúas. A man esquerda temos unha vía ocupada por coches particulares, e a man dereita temos a mesma vía, ocupada por un único bus, suficiente para transportar a todas as persoas que ocupaban os coches da esquerda. Unha imaxe que vale máis que mil palabras.

mouress--644x362

Esta entrada foi publicada en Cousas de Ribadumia, cousas miñas, politica xeral. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s