orzamentos 2013 (I)

images (1)Esta semana van a pleno os orzamentos para este ano.  E un tema da máxima importancia para todos os que vivimos en Ribadumia, pois decídese como se van gastar os nosos cartos. Isto de momento resúmese, según o documento presentado polo PP e salvo novidades de última hora, que este ano o concello vaise dedicar a pagar facturas … pero inversións as xustas e preocuparse polos parados e os que peor o están pasando, pois  nada nun caso e o xusto para saír na prensa guapos no outro.

Onte luns celebráronse as comisións para tratar este  tema e outros. Déixovos a nota de prensa que mandamos os medios onde brevemente deixamos claro cal foi a nosa postura nas comisións. Logo do pleno do xoves (que será as 20:00 horas) falareivos mais polo miúdo do que ocorra e do que se aprobe.

 

Enrique Oubiña propón que nos orzamentos deste ano se destinen partidas para a creación de emprego e a reactivación da economía.

   Logo de estudar a proposta de orzamentos que o PP de Ribadumia presentou para este ano 2013,  comprobouse  como os investimentos se reducen en 30.000€, limitándose estes  a simples asfaltados e colocación de beiraruas e farolas ó máis puro estilo anos 80,  mentres que os gastos correntes un ano máis voltan a subir de 1.078.000€ a 1.251.245€  (173.000 € nada menos),  que moitas partidas orzamentarias son máis que discutibles, e constatouse un ano máis a total ausencia de partidas orientadas para   a loita contra o paro, que no concello xa chega a cifras próximas o 25% da poboación activa.

  Diante de tan desolador panorama orzamentario, e vista unha vez máis a  incapacidade do PP local para tomar calquera iniciativa que non conteña asfalto, ladrillos ou farolas,  o grupo que Enrique Oubiña representa, acordou que en lugar de facer unha oposición negativa como a que fan outros partidos, que se limitan a opoñerse  a todo sen aportar solucións, actuar con coherencia e  buscar, con propostas en positivo e ademais asumibles para o concello,  chegar a acordos co PP de Ribadumia e cos outros partidos da oposición e posibilitar uns  orzamentos que vaian máis aló do simple pago de facturas, como é o caso dos orzamentos deste ano.

 Nesta liña de actuación na comisión informativa celebrada este pasado luns, Enrique Oubiña puxo enriba da mesa varias propostas orientadas en especial a loita contra o paro. Ditas propostas en palabras de Enrique Oubiña “foron recibidas con certo escepticismo por parte do PP,  dando a entender así, ademais da súa incapacidade para o goberno, que non lle preocupan en absoluto nin os parados nin as persoas que están en situación delicada. Pero a pelota quedou  no seu tellado, e eu agardo que de aquí o pleno municipal cando menos os membros do Partido Popular, que é o que ten o goberno, reconsideren a súa postura, e ben apoien as miñas propostas ou se non lles gustan ou os intereses partidistas lles impiden o voto favorable, aporten as súas propias pero que  poidamos avanzar neste sentido, pois a situación de moitos dos nosos veciños e o suficientemente grave como para que se tomen medidas practicas e ademais con urxencia.”

Advertisements
Esta entrada foi publicada en Cousas de Ribadumia, cousas miñas. Ligazón permanente.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s